Am

Tri bwthyn hunanarlwyo o safon sy'n cynnwys yr holl gyfarpar yn Llanmadog, gogledd-orllewin penrhyn Gŵyr.

Mae pob bwthyn yn cynnwys band eang Wi-Fi cyflym am ddim. Mae troeon arfordirol a bryniau syfrdanol gerllaw. Gallwch gerdded i'r dafarn, i'r traethau a siop goffi'r pentref. Mae gan Middle Cottage 2 ystafell wely (3 gwely) a lle i 5 person. Mae lle i 2 o bobl yn Heather Cottage, bwthyn moethus ar wahân â gwely maint dwbl mawr iawn. Mae lle i 2 o bobl mewn gwely dwbl yn llety Wagtails.

Mae pob llety yn croesawu cŵn ac mae gan bob un gyfleusterau parcio oddi ar y ffordd, gerddi a theledu lloeren. Mae Llanmadog yn bentref cyfeillgar, arobryn ac mae'n cynnwys siop, tafarn sy'n gweini bwyd a thraethau lleol ym Mae Whitford/Broughton/traeth Llanmadog.

Mae gennym goedwigoedd a reolir gan yr Ymddiriedolaeth Genedlaethol a nifer o warchodfeydd natur gerllaw. Mae ein bythynnod mewn lleoliad perffaith er mwyn archwilio gorllewin penrhyn Gŵyr, p'un a ydych am fynd ar droeon arfordirol, ar hyd y twyni a'r bryniau neu am ymlacio yn ein gerddi braf yn gwylio cnocelloedd y coed neu'n gwrando ar geiliogod, tylluanod ac ambell gwcw. Mae tafarn Britannia Inn tua 5 munud i fwrdd ar droed, ac mae'r traethau tua 20 munud i ffwrdd. Rhowch gynnig ar deisen a phaned o goffi, neu gallwch gasglu pamffledi o siop y pentref gyferbyn â'r llety. Drwy yrru 20 munud yn y car, byddwch yn cyrraedd baeau a phentrefi godidog eraill penrhyn Gŵyr, fel Oxwich, Porth Einon, Rhosili, Bae y Tri Chlogwyn, Pen-maen, Caswell a Langland. Bydd gyrru 10 munud yn y car yn mynd â chi i westy King Arthur Hotel yn Reynoldston neu dafarn Welcome Country Pub and Kitchen yn Llanrhidian. Darperir yr holl ddillad gwely a chyfleustodau heb godi tâl ychwanegol.  

Cyfleusterau golchi dillad yn Middle Cottage a Heather Cottage. Dynodiad - llety hunanarlwyo