Am

Mae Great Lunnon Farm yn cynnig bythynnod gwyliau hunanarlwyo o safon yng nghanol penrhyn Gŵyr, de Cymru. Mae 3 eiddo cyfforddus, maint eang ar gael sy'n cynnwys cyfarpar llawn. Mae gan bob eiddo ei naws a'i stori ei hun. Perffaith ar gyfer gwyliau hir neu seibiant byr dros y penwythnos.

Rose Cottage

Mae’r hen fwthyn hwn ar gyfer gweision fferm yn dyddio’n ôl i Gyfrifiad 1841 pan oedd yn dafarn o’r enw ‘The Sovereign’. Mae'r nenfydau â thrawstiau, y lloriau cerrig llorio a'r lle tân agored yn ategu naws bwthyn fferm traddodiadol Rose Cottage, ond gyda'r holl gysuron modern a chlyd. Dyma'r lle perffaith i fwynhau gwyliau gyda'r teulu a seibiant am benwythnos.

The Granary

Adeiladwyd yr ysgubor garreg ddeulawr hon yn y 1800au fel storfa rawn ar gyfer y fferm. Erbyn heddiw mae wedi'i thrawsnewid yn gartref gwyliau hunanarlwyo moethus, ac mae The Granary yn cydbwyso nodweddion gwreiddiol ag arddull cynllun agored fodern. Mae gan yr ysgubor ystafell wely ddwbl ensuite ar y llawr gwaelod ac mae'n ddelfrydol fel rhywle i dreulio gwyliau estynedig gyda'r teulu.

Stable Cottage

Roedd Stable Cottage yn gartref i geffylau gwedd y fferm ar un adeg, ond mae bellach yn fwthyn carreg clyd, drws nesaf i'r ffermdy. Mae'r ystafell eistedd a'r ardal fwyta sy'n cael digon o olau yn arwain at y gegin sy'n cynnwys yr holl gyfarpar y mae ei angen arnoch. Mae ganddo un ystafell wely ddwbl, felly mae'r bwthyn gwyliau hwn yn berffaith ar gyfer teithwyr unigol neu barau.

Ein lleoliad

Mae'r tri bwthyn gwyliau ym mhentref bach Lunnon, 30 munud i'r gorllewin o Abertawe, de Cymru.

Mae pentref Parkmill daith gerdded fer i ffwrdd, ac mae ganddo siop fach, tafarn a siop fara artisan.

Mae ein lleoliad canolog yn ddelfrydol ar gyfer archwilio traethau tywodlyd, clogwyni syfrdanol a chefn gwlad gwych Gŵyr.