Am

Parc Gwyliau Llanrhidian yw'r ddihangfa berffaith i deuluoedd neu gyplau, gyda thafarn a bwyty yn y parc, adloniant yn ystod gwyliau'r ysgol, pwll awyr agored wedi'i gynhesu, campfa, ardal chwarae meddal 3 llawr a golygfeydd pellgyrhaeddol o gefn gwlad Gŵyr.

Mae Parc Gwyliau Llanrhidian sydd mewn ardal o harddwch naturiol eithriadol, yn cynnig canolfan wych lle gallwch archwilio cefn gwlad trawiadol Cymru. Mae gan y parc tawel a hamddenol hwn safle mawr gyda golygfeydd pellgyrhaeddol o gefn gwlad a dewis o lety o ansawdd uchel.

Yng nghanol y parc mae ein tafarn a'n bwyty ein hunain, The Purple Badger, lle gallwch fwynhau bwydydd cartref gwych ac un o'r ciniawau rhost dydd Sul gorau yn yr ardal. Mae adloniant anffurfiol gan gynnwys ymweliadau gan berfformwyr cabare ar y penwythnos, bingo arian parod a chwisiau tafarn. Gallwch hefyd fwynhau gêm o bŵl neu ddartiau.

I'r plant mae ardal chwarae meddal tri llawr gydag ardal chwarae synhwyraidd ar wahân i blant bach, ardal chwarae antur awyr agored, cae pêl-droed pump-bob-ochr a thenis bwrdd a gall pawb fwynhau trochiad yn y pwll awyr agored sydd wedi'i gynhesu (ar agor o wyliau ysgol y Pasg tan ddiwedd hanner tymor mis Hydref). Mae gennym gampfa ar y safle hefyd i bobl dros 18 oed.