Am

Caban hela hardd o oes Victoria yw Tŷ Parc-le-Breos, llety gwely a brecwast sydd yng nghanol penrhyn Gŵyr.

Mae'r caban hela hardd o oes Victoria wedi'i lleoli ar dir yr hen barc ceirw, dim ond 20 munud ar draed o Fae'r Tri Chlogwyn. Wedi'i ddodrefnu'n hardd, byddwch yn dod o hyd i flodau ffres, lloriau pinwydden, tanau ac amgylchedd hamddenol. Cartref oddi cartref go iawn.

Mwynhewch goginio iach gyda ffrwythau, salad a llysiau ffres o'r ardd a ffermydd lleol a rhestr wîn dda. Mae'r ystafelloedd cyhoeddus yn llawn cymeriad gyda soffas Chesterfield a thanau crasboeth. Mae'r ystafelloedd gwely yn amrywio o ddyblau cysurus i ystafelloedd mawr i deuluoedd. Mae pob un wedi'i dylunio'n bersonol gydag ystafelloedd ymolchi en suite a chyfleusterau pedair seren. I'r rhai llawn egni, mae ystafell gemau hefyd.

Mae'r gerddi'n helaeth ac yn cael eu cadw'n dda gyda phyllau brithyllod a cherpynnod, ac mae'r lleoliad anghysbell yn berffaith ar gyfer gwyliau cerdded. A chyda chymaint o le, gallwch bob amser storio unrhyw offer hamddenol yr ydych wedi dod ag ef.

Mae Parc-le-Breos yn lle gwych ar gyfer cerdded ac archwilio ar arfordir de Gŵyr. Mae gennym fwy na dwsin o deithiau cerdded sy'n gadael o'r drws ffrynt gyda mapiau i chi eu defnyddio.

Cyfleusterau: Mynediad i'r we am ddim, ystafell olchi a sychu dillad, trwyddedig.

Bwyd blasus

Rydym yn cynnig pryd o fwyd tri chwrs gyda'r nos am oddeutu 6pm bob dydd. Ceir opsiwn llysieuol bob amser, ac rydym yn hapus i addasu ar gyfer anghenion dietegol arbennig. Rydym yn cymryd gofal mawr i ddefnyddio bwyd a chynnyrch lleol lle bo'n bosib, gyda llawer o'r llysiau a'r ffrwythau meddal yn dod o'n gerddi ein hunain a ffermydd cyfagos.