Am

Canolfan Madog Sant yw'r lleoliad perffaith ar gyfer eich grŵp. Gallwch ddod o hyd i ni ar arfordir Gŵyr, Ardal o Harddwch Naturiol Eithriadol gyntaf Prydain. Rydym am i grwpiau ymgysylltu â natur yn ein llety arddull tŷ bynciau.

Mae gennym le ar gyfer hyd at 80 o westeion yn ein 10 ystafell wely arddull ystafell gysgu, ac mae gan bob ystafell wely gyfleusterau tŷ bach/cawod ensuite. Mae hefyd ystafell hamdden/fwyta fawr, ystafell fwyta lai a cheginau masnachol. Yn agos at ein prif adeilad llety, mae gennym neuadd chwaraeon fawr, cwrt tenis, cae chwaraeon a choetir. Mae traeth Broughton a thwyni Whitford dro byr yn unig o'r ganolfan.

Mae Canolfan Madog Sant yn ganolbwynt ar gyfer rhoi lle i blant ac oedolion ifanc fwynhau a dod ynghyd. Yn ein llety arddull tŷ bynciau, rydym am i grwpiau ymlacio ac ymgysylltu â natur yn ein coetir, teimlo rhyddid ar y traeth a chael hwyl yn awyr y nos o gwmpas y tân. Rydym yn cynnig yr opsiynau canlynol:

1. Rhaglen breswyl i ysgolion lle gall disgyblion fwynhau amrywiaeth o weithgareddau a ddarperir gan staff Canolfan Madog Sant a'n partneriaid yn Gower Coast Adventures. Cynhelir y gweithgareddau ar y safle ac yng nghefn gwlad cyfagos. Mae hyn ar sail llety cyflawn gyda phrydau parod ffres yn cael eu paratoi bob dydd i roi'r holl egni sydd ei angen ar ddisgyblion ac athrawon ar gyfer arhosiad llawn gweithgareddau.
2. Llety hunanarlwyo i grwpiau eglwysi, ieuenctid, chwaraeon neu deuluoedd ei fwynhau.
3. Mae'n bosib i chi logi'r lleoliad ar gyfer gwledd briodas, gwasanaethau coffa, pen-blwyddi etc.