Am

Ysgubor garreg hardd wedi'i hadfer yn hyfryd ar Fferm Lower Hardingsdown ym mhenrhyn Gŵyr yw ‘The Chaffhouse’, sydd tua 15 milltir i ffwrdd o Abertawe.

Mae ar agor am 12 mis o'r flwyddyn ac mae'n darparu llety hunangynhwysol cyfforddus i deuluoedd neu grwpiau mawr, gyda lle i hyd at 10/12 o bobl, neu os ydych hefyd yn rhentu ‘The Hardingsdown Bunkhouse’ drws nesaf, mae lle i hyd at 26 o bobl.

Mae ‘The Chaffhouse’ mewn lleoliad gwych ar gyfer yr amrywiaeth eang o weithgareddau sydd i’w gwneud ym mhenrhyn hardd Gŵyr. Mae toreth o draethau tywodlyd diogel, gan gynnwys rhai hygyrch gydag achubwyr bywyd yn gweithredu arnynt, a rhai eraill sy'n fwy diarffordd ond yn sicr mae'n werth ymweld â nhw. Mae'r traethau a'r arfordir yn cynnig amrywiaeth eang o weithgareddau fel nofio, syrffio, canŵio, pysgota, teithiau cychod arfordirol wedi'u trefnu, hwylio barcutiaid, hwylfyrddio, dringo creigiau i enwi ychydig yn unig.

Mae rhwydwaith gwych o lwybrau troed a llwybrau ceffyl sy'n addas ar gyfer cerdded, beicio mynydd a marchogaeth ar draws Gŵyr ac mae'n hawdd cael mynediad atynt o ‘The Chaffhouse’.

Mae llawr gwaelod ‘The Chaffhouse’ yn cynnwys cegin llawn cyfarpar gyda ffwrn hob seramig, peiriant golchi llestri, oergell-rewgell a seddi i 12 o bobl. Mae 2 ystafell gawod/doiled, y mae un ohonynt yn ystafell wlyb sy'n addas i bobl anabl gyda chawod â mynediad gwastad a thoiled ar lefel uchel. Mae lolfa glyd gyda 2 soffa-wely sengl a chadeiriau cyfforddus. Mae ystafell wely ar y llawr gwaelod (ystafell wely 1) sy'n hygyrch i bobl anabl ac mae ganddi 2 wely y gellir eu rhoi at ei gilydd i wneud gwely dwbl mawr os oes angen.

I fyny'r grisiau - mae gan yr ail ystafell wely le i ddau berson mewn gwelyau sengl.
Mae gan y drydedd ystafell wely le i ddau berson mewn gwelyau sengl y gellir eu rhoi at ei gilydd i wneud gwely dwbl mawr os oes angen.
Mae gan y bedwaredd ystafell wely le i bedwar person mewn dau wely sengl y gellir eu rhoi at ei gilydd a gwely bync.
Mae hefyd gawod/doiled i fyny'r grisiau.
Y tu allan mae gardd ac ardal batio ar gyfer barbeciws, ystafell sychu ac ardal storio ar gyfer cyfarpar chwaraeon yn ogystal â digon o le i barcio sawl car neu fws mini.