Am

Mae The Perch yng nghanol Wind Street enwog Abertawe! Lleoliad cerddoriaeth fyw cyffrous sy'n cynnig noson fythgofiadwy!

 

Gydag awyrgylch cyffrous, perfformwyr lleol a theithiol o'r radd flaenaf, a choctels arbenigol, dyma'r lle perffaith i ymlacio a mwynhau'r rhythm. P'un a ydych chi'n mwynhau cerddoriaeth indie, roc, jazz neu ffync, mae'r perfformwyr bob tro llawn egni. Mwynhewch ddiodydd blasus a'r awyrgylch bywiog a dewch i ddawnsio drwy'r nos yng nghyrchfan orau Abertawe ar gyfer unrhyw un sy'n dwlu ar gerddoriaeth a choctels.

Nosweithiau comedi - byddwch yn barod am noson o chwerthin yn ystod ein nosweithiau comedi! Gan gynnwys rhestr berfformio llawn digrifwyr o'r radd flaenaf, sêr newydd a gwesteion annisgwyl, gallwch ddisgwyl digonedd o hwyl ar ein llwyfan. P'un a ydych chi'n mwynhau ffraethineb miniog, sgyrsiau doniol neu straeon tramgwyddus, rydych yn sicr o chwerthin yn ystod ein nosweithiau comedi hwyl. Prynwch goctel, dewch â'ch ffrindiau a gadewch i ni lenwi'ch noson gyda phrofiad comedi bythgofiadwy!

Rodeo The Perch! Dewch i fwynhau dawns werin a rodeo o safon wrth i ni newid y lleoliad ar gyfer profiad ymdrochol o'r Gorllewin Gwyllt! Gallwch ddisgwyl canu gwlad, band byw, dawnsio llinell a bar llawn coctels wisgi a chwrw oer. Gwisgwch eich esgidiau a'ch het cowboi a byddwch yn barod i fwynhau noson o ddawnsio, canu a hwyl yn y rodeo. P'un a ydych chi am ddawnsio, yfed, neu fwynhau'r awyrgylch, dyma noson nad ydych chi am ei cholli.

Nosweithiau cwis - Ydych chi'n meddwl eich bod chi'n ddigon da i fod yn bencampwr ein cwis? Ymunwch â ni am noson gwis lle mae'r cwestiynau'n wyllt, mae'r gystadleuaeth yn ffyrnig ac mae'r gwobrau'n wallgof! O fasgedi moethus i becyn o bapur tŷ bach, dydych chi byth yn gwybod beth fyddwch chi'n ei ennill! Cydiwch yn eich ffrindiau, prynwch goctel arbennig a phrofwch eich gwybodaeth.  P'un a ydych chi am ennill neu gael hwyl, dyma noson gwis ni ddylech ei cholli!

Noson gerddoriaeth - yn galw ar gerddorion, cantorion a phobl sy'n dwlu ar gerddoriaeth! Ein noson gerddoriaeth yw'r lle gorau i arddangos eich doniau, cymdeithasu ag artistiaid eraill neu fwynhau egni cerddoriaeth fyw arbennig. P'un a ydych chi'n gerddor proffesiynol neu am ymuno â'r hwyl, dewch i gydio mewn offeryn neu'r meic neu gefnogi'r perfformwyr, mae croeso i bawb!

Y rhan gorau? Rydym yn gwerthu diodydd rhad DRWY'R DYDD! Felly dewch i fwynhau coctels rhad a'r awyrgylch bywiog wrth i ni greu cerddoriaeth fythgofiadwy gyda'n gilydd. Welwn ni chi yno!

Carioci - Dewch i gydio yn y meic a pherfformio ar y llwyfan yn ystod ein noson garioci! P'un a ydych chi am fod yn berfformiwr neu am gael hwyl yn unig, rydych yn sicr o fwynhau noson o ganeuon gwych, egni cyffrous a llawer o hwyl. Gyda diodydd yn dechrau o £1, bydd gennych yr holl hyder y mae ei angen arnoch i ganu'ch hoff ganeuon! Cydiwch yn eich ffrindiau, dewiswch eich cân a dewch i fwynhau noson o ganu!

Carioci gyda band roc byw! Ydych chi erioed wedi breuddwydio am ganu gyda band roc? Dyma'ch cyfle! Rydym yn cynnig y cyfle i gymryd carioci i'r lefel nesaf wrth i chi ganu gyda band byw! P'un a ydych chi'n mwynhau anthemau poblogaidd neu faledi emosiynol, dyma'ch cyfle i serennu.

Gyda thorf llawn egni, caneuon gwych a diodydd ar gael drwy'r nos, dyma'ch cyfle i gydio yn y meic, camu ar y llwyfan a bod yn arwr roc!

Bingo cerddoriaeth - Anghofiwch rifau, yn ystod bingo cerddoriaeth rydym yn canolbwyntio ar ganeuon! Rydym yn cynnig blas newydd ar eich hoff ganeuon gyda gêm gyflym lle gall pob cân roi'r cyfle i chi ennill. Dewch i ganu, dawnsio yn eich sêt a rhoi croes drwy'r caneuon i gael cyfle i ennill gwobrau gwallgof. Gallwch ennill gwobrau annisgwyl iawn gan gynnwys fflamingo chwyddadwy neu dun o ffa.

Cydiwch yn eich ffrindiau, eich stampiau a'ch diodydd - dyma gêm bingo go wahanol!

Noson i fyfyrwyr - Yn galw ar bob myfyriwr! Dyma'ch cyfle i gyfnewid sesiynau astudio am nosweithiau mas cyffrous wrth i'n noson i fyfyrwyr gyflwyno parti gorau'r dref gyda mynediad AM DDIM a diodydd o £1!

Gallwch ddisgwyl caneuon gwych, cynigion arbennig ar ddiodydd ac awyrgylch cyffrous am bris rhesymol. P'un a ydych chi'n chwilio am rywle i ddathlu neu godi'ch hwyliau, neu'n chwilio am noson mas i'w chofio, dyma'r lleoliad perffaith. Cydiwch yn eich ffrindiau a dewch i greu atgofion!

Nosweithiau diwydiant - Yn galw ar farmyn, gweinyddwyr, pen-cogyddion a gweithwyr bywyd nos, dyma'ch cyfle i ymlacio! Mae ein nosweithiau diwydiant yn rhoi'r cyfle i ni ddiolch i'r criw lletygarwch gweithgar gyda diodydd hanner pris drwy'r nos. P'un a ydych chi'n gorffen gwaith neu'n dathlu noson o saib, bydd digonedd o ddiodydd, awyrgylch cyffrous a cherddoriaeth fyw i'ch adlonni.

Rydych chi'n treulio'ch amser yn sicrhau bod pawb yn mwynhau, felly dyma'ch tro chi!