Am

Mae Clwb Pêl-droed Dinas Abertawe’n falch o gyhoeddi agoriad bar chwaraeon swyddogol y clwb, 'The Swansea Jack', mewn partneriaeth â Football Taverns Ltd.

Mae'r bar newydd hwn yn Salubrious Place, Little Wind Street, gyferbyn ag Amgueddfa Abertawe a Gwesty Morgan's.

Mae enw'r bar yn gydnabyddiaeth uniongyrchol o'r dafarn o'r un enw a oedd ger hen gartref y clwb yng Nghae'r Vetch, tafarn yr oedd llawer o gefnogwyr clwb pêl-droed Dinas Abertawe’n mynd iddi ar ddiwrnodau gêm.

Bydd y lle pwrpasol newydd i gefnogwyr yn cynnig profiad unigryw sy'n cyfuno chwaraeon byw, bwyd a diod gwych, a hanes, treftadaeth ac ysbryd digamsyniol clwb pêl-droed Dinas Abertawe a Byddin y Jacks.

Mae'r clwb hefyd yn bwriadu cynnal digwyddiadau ychwanegol cyffrous rheolaidd i gefnogwyr fynd iddynt yn 'The Swansea Jack', gan gynnwys cyfleoedd i gwrdd ag arwyr presennol a chyn-arwyr yr Elyrch, tra bydd chwaraeon byw a chynnwys clwb pêl-droed Dinas Abertawe’n cael eu dangos ar y sgriniau mawr bob dydd.