Am

Bydd y gitarydd fflamenco arobryn Daniel Martinez yn dychwelyd yn 2027 gyda'i berfformiad cyntaf yn y DU o'i albwm a'i gynhyrchiad newydd sbon, Al Compas del Querer, taith hynod bersonol ac emosiynol drwy fywyd un o artistiaid teithiol enwocaf fflamenco. 

Ers 2023, mae Daniel Martinez Flamenco Company wedi swyno cynulleidfaoedd lle gwerthwyd pob tocyn ar draws y Deyrnas Unedig gyda thri chynhyrchiad clodwiw. Derbyniodd albwm cyntaf Daniel,  Art of Believing, wobr fawreddog Herald Angel yng Ngŵyl Ryngwladol Caeredin, a derbyniodd ei ail gynhyrchiad, Andalucia, adolygiadau pum seren a sefydlodd ei enw da am greu profiadau fflamenco theatrig bythgofiadwy. Teithiodd ei drydydd cynhyrchiad, Art of Andalucia, yn helaeth drwy gydol 2025 a derbyniodd ganmoliaeth eithriadol.   

Drwy  Al Compas del Querer, mae Daniel yn agor y drysau i'w gynhyrchiad mwyaf personol hyd yma. Drwy gyfuniad pwerus gitâr fflamenco, canu gwefreiddiol a dawns syfrdanol, bydd y gynulleidfa yn mynd ar daith drwy'r achlysuron a'r bobl sydd wedi diffinio ei fywyd; o'i blentyndod i ddarganfod ei ddoniau artistig, i salwch, teulu, cariad, a chreu ei gwmni sydd wedi ennill clod rhyngwladol. 

MaeAl Compas del Querer yn addo noson fythgofiadwy o fflamenco. Bydd y perfformiad hynod bersonol ac emosiynol hwn yn cyfuno effeithiau gweledol trawiadol, straeon emosiynol a doniau cerddorol eithriadol.