Am
Ymunwch gyda ni ar gyfer y dangosiad cyntaf yng Nghymru a digwyddiad Diwrnod Daear.
Mae Jo in the Water yn dilyn nofiwr môr angerddol a ddaeth yn ymgyrchydd amharod, sef Jo Bateman o Exmouth, wrth iddi herio un o gwmnïau dŵr mwyaf y DU mewn brwydr Dafydd a Goliath i amddiffyn ein dyfroedd rhag llygredd carthffosiaeth dinistriol.
Mae dewrder Jo yn helpu i ddechrau ymgyrch sy’n dal i dyfu. Mae'r ffilm yn datgelu cyflwr difrifol ein system ddŵr ac yn gofyn: pwy fydd yn sefyll dros ein hawl i nofio mewn dyfroedd naturiol glân, a thros y rhywogaethau a'r cymunedau sy'n dibynnu arnyn nhw?
Mae Jo in the Water yn ffilm ddogfen hyd llawn gan wneuthurwyr ffilmiau sydd wedi ennill gwobrau ac sydd ag enw da am drosglwyddo straeon pwerus i'r sgrîn fawr. Nid stori am lygredd dŵr yn unig yw hi chwaith; mae'n stori am gysylltiad – ein cysylltiad â byd natur, ein teimladau o berthyn a'n cyfrifoldeb dros y byd o'n cwmpas.
Yn cynnwys Jo Bateman, Jeremy Vine, Jim Murray MBE a Chris Packham.
“Mae Jo yn ysbrydoli pobl… maen nhw’n sylweddoli ein bod ni’n gryfach gyda’n gilydd. Rydyn ni'n nerthol gyda'n gilydd.”
Chris Packham, cyflwynydd teledu bywyd gwyllt a chadwraethwr
Pip Piper, Cyfarwyddwr
Mae Pip yn gynhyrchydd, cynhyrchydd gweithredol a chyfarwyddwr llwyddiannus sy’n gweithio yn y DU ac yn arbenigo mewn rhaglenni dogfen hyd llawn. Mae wedi bod yn gweithio yn y diwydiant ers 25 mlynedd ac mae ei waith wedi cael ei ddangos yn rhyngwladol mewn sinemâu ac ar y teledu.
Jo Bateman
Mae Jo Bateman, ffisiotherapydd wedi ymddeol a nofiwr môr angerddol a ddaeth yn ymgyrchydd amharod, yn herio un o gwmnïau dŵr mwyaf y DU mewn brwydr Dafydd a Goliath i amddiffyn ein cefnforoedd rhag llygredd carthffosiaeth dinistriol. "Dw i'n meddwl ei bod hi'n werth ymladd dros yr egwyddor," dywedodd hi. “Dyw e ddim am yr arian.”
Amserlen y digwyddiad:
6.30pm - Cyrraedd a Bar
6.50pm - Cyflwyniad
7pm - Ffilm - 77 munud
8.20pm - Trafodaeth gyda Jo Bateman a Pip Piper (Cyfarwyddwr)