Am

Mae 2027 yn nodi 50 mlynedd ers marwolaeth 'Brenin Roc a Rôl'. Mae Emilio Santoro, enillydd cystadleuaeth 'Ultimate Elvis Tribute Artist' 2024 yn dathlu dylanwad Elvis Presley mewn sioe deyrnged fyw drawiadol.

Mae Emilio, gyda chymorth ei fand diledryw The Creoles, sy'n ail-greu sain y 1950au, yn dod â gyrfa cynnar Elvis yn fyw, o recordiadau eiconig Sun Records a blynyddoedd y ffilmiau clasurol i'r rhaglen deledu '68 Comeback Special enwog. Gall cynulleidfaoedd ddisgwyl y ffefrynnau bythol gan gynnwys Jailhouse Rock, Hound Dog, Blue Suede Shoes, Devil in Disguise, Suspicious Minds a llawer mwy.

Mae llwybr Emilio at lwyddiant rhyngwladol wedi bod yn un rhyfeddol. Yn 2022, enillodd y pencampwriaethau Elvis Ewropeaidd yn Birmingham, gan gipio holl brif deitlau Elvis Ewrop a chael sylw yn y cyfryngau cenedlaethol. Yn yr un flwyddyn, enillodd Wobr Dewis y Bobl yng ngŵyl Elvis Niagara Falls yng Nghanada cyn ennill Pencampwriaeth y Byd i Berfformwyr Proffesiynol 'Images of the King' ar Elvis Presley Boulevard, y person ieuengaf erioed o Ewrop i wneud hynny.

Ymddangosodd Emilio hefyd yn rownd derfynol America's Got Talent ochr yn ochr â Metaphysic.ai. Yn 2024, daeth yn Bencampwr y Byd cystadleuaeth 'Ultimate Elvis Tribute Artist' yn Graceland, cartref Elvis Presley, y cyflawniad pennaf yn y maes, sy'n golygu bod Elvis Presley Enterprises yn falch o gymeradwyo Emilio.