Am

Peidiwch â cholli Five-Way Split, band newydd a arweinir ar y cyd sy'n cynnwys rhai o gerddorion jazz bebop cyfoes gorau'r DU yng Ngŵyl Ryngwladol Abertawe eleni.

• Quentin Collins – trwmped

• Vasilis Xenopoulos – sacsoffon

• Rob Barron – piano

• Matyas Hofecker – bas dwbl

• Matt Home – drymiau

Arweinir Five-Way Split gan y trwmpedwr Quentin Collins sy'n enwog ar draws y byd, y sacsoffonydd syfrdanol o Wlad Groeg Vasilis Xenopoulos a'r pianydd rhagorol Rob Barron. Maen nhw yng nghwmni'r chwaraewr bas dwbl meistrolgar Matyas Hofecker a'r drymiwr ardderchog Matt Home.

Gweledigaeth y band yw parhau â gwaith grwpiau fel Art Blakey's Jazz Messengers ac adlewyrchu cerddoriaeth bop gyfoes Efrog Newydd. Gan ddefnyddio'r ysbrydoliaeth hon, mae'r band yn cyflwyno sain sy'n parchu traddodiad y cyfnod bop caled ac yn ei foderneiddio ar gyfer cynulleidfaoedd cyfoes.

Mae Five-Way Split, gyda'i restr eang o gyfansoddiadau gwreiddiol a roddwyd at ei gilydd yn ofalus, ynghyd â deunydd swing hamddenol gan rai o'r goreuon fel Jimmy Heath, Cedar Walton a Horace Silver, yn cyflwyno'r gerddoriaeth swing ac enaid orau ym myd jazz cyfoes y byddwch chi am ei chlywed yn fyw.

Archebwch eich tocynnau nawr!

Archebwch ar gyfer pob un o’r 11 sioe â thocynnau am bris untro o £165 gyda’n gostyngiad VIP amleitem - 01792 475715.

Mae pob tocyn yn destun ffi archebu o 5%