Am

Bydd sioe Francis Rossi: Quo Songbook - Past, Present, Future yn cynnwys detholiad arbennig o ganeuon poblogaidd Francis a Status Quo yn ogystal â hen ganeuon a chadwyn o ganeuon newydd. Y daith hon yw'r unig le i glywed detholiadau a dehongliadau Francis o'i gatalog arbennig yn ogystal ag ychydig sylwadau a mewnwelediadau ychwanegol gan y dyn ei hun.

Mae nifer cyfyngedig o docynnau VIP 'Profiad Prawf Sain' ar gael am y tro cyntaf ar y daith hon a bydd tocynnau'n cynnwys y canlynol: Mynediad i'r prawf sain a pherfformiad arbennig o ddwy gân nad ydynt yn cael eu cynnwys yn y brif sioe, esboniad o'r hyn sy'n digwydd ar y llwyfan/gyda'r dechnoleg gyda pheiriannydd sain Francis; ac un o'r seddi gorau yn y theatr ar gyfer y brif sioe. Hefyd, bydd deiliaid tocynnau VIP yn derbyn sengl 7" argraffiad cyfyngedig wedi'i lofnodi [sydd ar gael gyda thocynnau VIP yn unig] a chortyn gwddf arbennig ar gyfer y daith.

Meddai Francis Rossi, "Byddaf yn perfformio llawer o'r caneuon poblogaidd yn y sioe wrth gwrs, ond bydd hefyd digon o ganeuon annisgwyl. Mae'r sioeau theatr hyn yn ffordd wych o gysylltu â'r gynulleidfa a rhoi cynnig ar rywbeth sydd ychydig yn wahanol."

Unwaith eto, bydd Francis Rossi yn teithio gyda'r gitarydd Andy Brook, a gyd-gynhyrchodd albwm clodwiw 'The Accidental' gyda Francis yn 2026 ac a ymddangosodd ar daith 'Songbook' 2025 lle gwerthwyd pob tocyn.

Mae taith Francis Rossi: Quo Songbook - Past, Present, Future 2026-2027 yn gyfle gwych i glywed rhai o'r caneuon mwyaf poblogaidd gan un o gyfansoddwyr caneuon roc gorau'r byd, yn ogystal â chaneuon annisgwyl, felly mae'n daith drwy yrfa arbennig artist unigryw.