Am
Dydd Sul 17 Tachwedd, 5pm
Bydd bandiau gorymdeithio, fflotiau hudol, cymeriadau ffilmiau’r Nadolig, offer chwyddadwy Nadoligaidd a Siôn Corn a’i sled yn ymddangos yng Ngorymdaith y Nadolig Abertawe eleni.
Bydd goleuadau disglair, peiriannau eira a thân gwyllt, felly os nad oeddech yn teimlo hwyl yr ŵyl cyn i’r orymdaith ddechrau, byddwch yn siŵr o’i deimlo erbyn y diwedd!
Hygyrchedd
Bydd synau uchel, goleuadau’n fflachio ac effeithiau arbennig yn ystod yr orymdaith – os oes angen rhywle mwy tawel arnoch i fwynhau’r orymdaith, bydd y rhan dawelaf ar ran isaf Ffordd y Brenin (ochr St Helen’s Road) a Stryd Fawr. Ond dylech sylweddoli bod natur yr orymdaith yn golygu y bydd sŵn a goleuadau’n bresennol trwy gydol y digwyddiad. Os oes gennych unrhyw bryderon ac rydych am eu trafod ymhellach, ffoniwch ni ar 01792 635428. Bydd ardal wylio hygyrch ar gael ar Princess Way ac Orchard Street.
Does dim angen cadw lle, dewch ar y noson. Toiledau hygyrch a nifer cyfyngedig o seddi ar gael hefyd yn yr ardaloedd gwylio.
Parcio a theithio
Mae gorymdaith eleni'n dechrau am 5.00pm a disgwylir iddi orffen am oddeutu 6.30pm ar ddiwedd Ffordd y Brenin. Sylwer y disgwylir i ganol y ddinas fod yn brysur iawn yn ystod y prynhawn a thrwy gydol y digwyddiad - sicrhewch eich bod yn cynllunio'ch trefniadau teithio yn briodol ac yn caniatáu digon o amser i gyrraedd er mwyn gweld llwybr yr orymdaith!
Hoffem ddiolch yn fawr i’r
Cynnig Gofal Plant i Gymru am gefnogi Trên Bach y Nadolig
Y Cynnig Gofal Plant i Gymru: Help gyda chostau gofal plant i rieni cymwys â phlant 3 i 4 oed.
Oes angen help arnoch gyda chostau gofal plant? Dan y Cynnig Gofal Plant i Gymru, gallech hawlio hyd at 30 awr o addysg gynnar a gofal plant yr wythnos, am hyd at 48 wythnos y flwyddyn. Mae’r cynllun gofal plant hwn a ariennir gan y llywodraeth yn ceisio lleihau’r baich o dalu costau gofal plant fel y gallwch wario’r arian rydych wedi’i gynilo ar y pethau sydd bwysicaf i’ch teulu.
Mae’r cynnig eisoes wedi helpu rhieni ledled Cymru i ddychwelyd i’r gwaith, cynyddu eu horiau neu weithio’n fwy hyblyg. Os ydych yn chwilio am swydd neu’n ystyried dychwelyd i fyd addysg neu hyfforddiant, ond rydych yn pryderu am gostau gofal plant, gallai’r cymorth hwn wneud byd o wahaniaeth.
Peidiwch â cholli allan ar eich cyfran chi o’r cyllid gofal plant hwn.
Gwnewch gais nawr i dderbyn gofal plant a ariennir.
Gwesty Morgans am ddarparu ystafelloedd newid
Day’s Rental a Day’s Motor Group am ddarparu’r cerbyd cymorth
Bassets Motor Group Jeep am ddarparodd car yr Arglwydd Faer.