Am

Grand Ambition yn cyflwyno

Awdur a chyfarwyddwr Michelle McTernan

Gyda chaneuon gwreiddiol gan Michelle McTernan, Steve Balsamo a John Quirk

Mae sioe deuluol newydd Grand Ambition, wedi ei hysgrifennu a'i chyfarwyddo gan Michelle McTernan, yn stori gynnes ac annwyl am golled, iachâd a gobaith. Gyda phypedwaith coeth, animeiddio hudolus a chaneuon gwreiddiol llawen, wedi'u hysgrifennu a'u cyfansoddi gan Michelle McTernan, Steve Balsamo a John Quirk, mae HOP - The Hopeful Hare, yn hau hadau o'r dewrder i faddau a'r cryfder i fod yn garedig i ni'n hunain ac i'n gilydd.

Mae hi'n wanwyn, ac mae Tadcu yn brysur yn ei ardd - a arferai gael ei thrin ganddo fe, ei wraig a'i fab - sydd bellach wedi ymddieithrio oddi wrtho. Mae bywyd yn ffynnu ym mhob cornel - rhesi o datws, moron, a bresych, trysor o lwyn rhosod, a choeden gyfareddol.  Pan mae cnydau'n dechrau diflannu dros nos, mae Tadcu'n benderfynol o ddal y troseddwr. Nid yw'r adar yn gyfrifol, na'r gwlithod na'r malwod, na'r llwynog, na'r arth, ond HOP ddireidus sydd wrthi - yr ysgyfarnog fach gyda chalon enfawr - ac archwaeth hyd yn oed yn fwy!

Mae Tadcu yn cael ei arwain gan ddireidi tyner HOP ac yn dysgu'n araf y gall yr ardd y mae'n ei hamddiffyn fod yn gartref i eraill, a bod gobaith a hapusrwydd yn gallu dod yn y ffordd fwyaf annisgwyl. Mae HOP yn dathlu atgofion, gobaith, caredigrwydd, cryfder a'r dewrder i faddau.

Mae'r cynhyrchiad yn ymdrin â themâu o golled a galar.

Addas ar gyfer cynulleidfaoedd ysgol, argymhellir ar gyfer 4 oed neu fwy.

Mae'r cynhyrchiad Uchelgais Fawr yma'n gynhwysol, gydag Iaith Arwyddion Prydain integredig.

Wedi'i ariannu gan Gyngor Dinas Abertawe a Chyngor Celfyddydau Cymru. Wedi'i gynhyrchu mewn partneriaeth â Chronfa Harry a Gwên Joseph.