Am

Ymunwch â sw trofannol Plantasia am ddigwyddiad difyr dros y Pasg wrth i Fwni'r Pasg a thylwyth teg o'r coetir o Glass Slipper Events ddod â hwyl y tymor i'r jyngl! Gallwch fwynhau perfformiad canu byw gan y tylwyth teg ar falconi'r tŷ pen coeden am hanner awr wedi pob awr wrth iddi lenwi'r sw gydag alawon llawen ac ychydig o hud. Ar ôl pob perfformiad, gallwch fynd i ddrysau'r tŷ pen coeden lle bydd y ddau gymeriad yn aros i gwrdd â theuluoedd ac yn barod i gymryd lluniau gyda chi.

Gall plant bach gymryd rhan yng nghystadleuaeth y Pasg am gyfle i ennill wy Pasg blasus, tegan meddal a thocyn teulu i'r sw. Bydd gweithgareddau lliwio ar thema'r Pasg hefyd ar gael i gadw plant creadigol yn brysur drwy'r dydd.

Bydd eich tocyn yn cynnwys mynediad at yr holl sw lle mae dros 40 o rywogaethau anhygoel i'w darganfod. Gallwch gerdded drwy'r jyngl trofannol, ymweld â'ch hoff anifeiliaid a mwynhau diwrnod o hwyl i'r teulu mewn un lleoliad. Cofiwch alw heibio'r ciosg Magic Memories i gael llun hudol am ddim; dewch â chewri'r gorffennol yn fyw gan ddefnyddio realiti estynedig ar eich dyfais symudol wrth i chi archwilio; a dewch i weld a ydych chi'n ddigon dewr i fynd i'r ystafell Vital Venoms & Practical Poisons sy'n newydd ar gyfer 2026.

Dydd Sadwrn 4 Ebrill | 10am - 5pm (mynediad olaf am 4pm) Mae tocynnau ar-lein ar gael (mae'r prisiau'n uwch wrth y drws). Mae mynediad cyffredinol at y sw wedi'i gynnwys. Hwyl i'r teulu cyfan.

 

🗓️ Manylion y Digwyddiad:
Dyddiad: Dydd Sadwrn, 4 Ebrill
Amser: 10am – 5pm (mynediad olaf am 4pm)
Lleoliad: Sŵ Trofannol Plantasia, Abertawe

🎟️ Mynediad Ar-lein:

• Oedolion (16+ oed): £9.95
• Plant (2 – 15 oed): £9.95
• Plant bach (0-1 oed): AM DDIM
• Consesiynau: £7.95
• Teulu o 4 (2 oedolyn a 2 blentyn neu 1 oedolyn a 3 phlentyn): £35​​.50
• Teulu o 5 (2 oedolyn a 3 phlentyn neu 1 oedolyn a 3 phlentyn): £41.75
• Gofalwr: AM DDIM