Am

Mae Clwb Jazz Abertawe'n cyflwyno Judith Nijland a'i band 'From Ella to Abba' yn Cu Mumbles y mis Tachwedd hwn!

Mae Judith yn gantores ac yn gyfansoddwr jazz. Mae'n mwynhau creu straeon a chaneuon. Mae ei chyngherddau'n eich tywys ar daith fach gyda rhywbeth i gnoi cil arno a gwên barhaus.

O IEITHOEDD CLASUROL I JAZZ
Mae cerddoriaeth yn rhan o Judith. Pan roedd yn ifanc, roedd yn cymryd rhan mewn sioeau talentau gan berfformio ei chaneuon ei hun. Roedd yn chwarae'r piano'n aml gartref ac fe'i defnyddiodd ar gyfer clyweliadau preifat a gwersi clasurol. Ar ôl ennill gradd Groeg a Lladin, astudiodd Judith gerddoriaeth jazz yn yr Ysgol Gerddoriaeth Frenhinol yn Yr Hag. Mae bellach yn canolbwyntio'n bennaf ar ysgrifennu ei deunydd ei hun a chreu fersiynau newydd o hen ganeuon. Jazz yw ei gwir gariad o hyd.

LLAIS A PHERFFORMIO
Mae ei llais yn glir ac yn gynnes ac mae ganddi gwmpas lleisiol eang a hyblyg. Mae pobl yn aml yn cymharu ei llais â sain y diweddar Karen Carpenter.
Ar lwyfan, mae Judith yn eich tywys ar daith ac mae'n amlwg ei bod yn mwynhau rhyngweithio â'r band a'r gynulleidfa'n bennaf oll.

Judith Nijland yn sefyll o flaen wal liwgar yn gwisgo ffrog werdd