Am

Ar agor bob dydd rhwng 5 Ebrill a 30 Medi, ac ar benwythnosau yn unig yn ystod mis Hydref. 11am - 5pm (mynediad olaf am 4.30pm).

Cynhelir y castell gan Gyfeillion Castell Ystumllwynarth a nhw sy'n gyfrifol am redeg y castell o ddydd i ddydd yn ystod y tymor agored. Maent hefyd yn cynnal digwyddiadau llwyddiannus drwy gydol y flwyddyn, o'r diwrnod Tywysogion a Thywysogesau i hwyl Calan Gaeaf!

Teithiau tywys – ar gael rhwng mis Ebrill a mis Medi.
Bydd y rhain AM DDIM ac yn dechrau am 11.30am bob dydd  Mercher, dydd Iau, dydd Gwener a dydd Sul tan ddiwedd mis Medi.

Lleolir Castell Ystumllwynarth ar ben y bryn yn y Mwmbwls gan gynnig golygfeydd trawiadol dros Fae Abertawe.

Mae dros 600 o gestyll yng Nghymru, ond does dim llawer â golygfa well na'r un yma!

Dros y blynyddoedd diwethaf mae'r castell wedi bod yn destun gwaith cadwraeth i sicrhau bod y castell yn ddiogel ac yn gynaliadwy ar gyfer y dyfodol rhagweladwy. Nawr gall y cyhoedd archwilio rhannau o'r castell sydd wedi bod yn gudd ers canrifoedd a dysgu am hanes cyffrous y castell.

Mae nodweddion yn cynnwys celf graffiti hynafol o'r 14eg ganrif a gall pobl ddod i archwilio'r ddrysfa ganoloesol o gromgelloedd dwfn a grisiau cudd a mwynhau golygfeydd gwych ar draws Bae Abertawe.