Am

Nod Pier y Mwmbwls yw cynnig y diwrnod perffaith i'r teulu ni waeth beth fo'r tywydd! Adeiladwyd Pier y Mwmbwls yn gyntaf ym 1898 ac ers hynny mae wedi bod yn un o nodweddion mwyaf diffiniol Bae Abertawe. Mae'r safle'n cynnwys arcêd ddifyrion, Beach Hut Café, bwyty Copperfish a nifer o atyniadau eraill, gan gynnwys ale fowlio fini, llyn cychod môr-ladron ac un o dirnodau rhyfeddaf Abertawe, The Big Apple.

Os yw'n heulog, beth am brynu Mr Whippy o'r parlwr hufen iâ, codi bwced a rhaw o'r siop anrhegion a threulio'r diwrnod ar draeth y pier. Gyda thraeth amgaeëdig â thywod euraid, digonedd o byllau trai a golygfa wych dros Oleudy'r Mwmbwls, dyma'r lle perffaith i wersylla a mwynhau'r diwrnod! Fodd bynnag, peidiwch â phoeni os yw'n bwrw'n drwm, mae llawer o'n cyfleusterau dan do. Felly, dewch i gael pysgod a sglodion gyda phys slwtsh, anadlu awyr y môr a mwynhau gwres yr arcêd ddifyrion.

Ceir mwy o wybodaeth, gan gynnwys calendr digwyddiadau'r haf, pecynnau parti a chynigion drwy fynd i www.mumbles-pier.co.uk.