Am

Mae Castell Weble yn faenordy caerog o'r 14eg ganrif ar benrhyn Gŵyr, Cymru, dan ofal Cadw. 

Mae'r castell yn edrych dros forfeydd heli Llanrhidian a Moryd Llwchwr.

Ni fyddwch yn anghofio lleoliad dramatig Castell Weble ar arfordir gwyntog penrhyn Gŵyr, sy'n edrych dros gorsydd a fflatiau llaid gyda moryd wyllt Llwchwr y tu hwnt iddo.

Mae’n rhaid bod yr olygfa odidog hon yr un peth heddiw ag yr oedd 700 mlynedd yn ôl pan adeiladwyd y maenordy caerog hwn fesul cam gan deulu cyfoethog de la Bere, stiwardiaid arglwyddi Gŵyr.